Irunen erroldatuta daudenen 60 urtetik gorakoentzako aisialdirako maiatzeko jardueren programazioaren berri eman dute. Irungo Udaleko Gizarte Ongizate arloak jakinarazi du eta hiriko adinekoentzako udal zentro sozialetako dinamizazio zerbitzuaren bidez ondu dute egitaraua.

Denetariko jarduerak dira findutakoak, hala nola, Un cuento de hadas para una menopausica liburuaren aurkezpena, Manu Agilarren musika emanaldia edota tai ji eskola.

Era berean, 60 urtetik gorakoek askotariko zinema emanaldiak izango dituzte aukeran: Cinco lobitos (2022), Alauda Ruiz de Azúa bizkaitarrarena; Mas alla de los sueños drama fantastiko estatubatuarra (1998); eta 100 dias con la Tata dokumentala (2021), Miguel Angel Muñoz aktoreak pandemian amonarekin eman zuen denborari buruzkoa.

30 urte bete ditu Irunero euskarazko aldizkariak. Tokiko informazioa hilabetero publikatzen dute papereko euskarrian, baina Interneteko edizio jarraian egunero-egunero jasotzen du hiriaren pultsua. Urteurrenaren berri emateko agerraldia egin zuten atzo Ainara Berges eta Joseba Arozena aldizkariko kideek, nahiz Irungo Udaleko Euskara ordezkari Nuria Alzagak.

Alzagaren arabera —udalaren babesa du hedabideak—, sortu zenetik garai eta egoera berrietara egokitu da Irunero, eta tokian tokiko informazioa euskaraz zabaltzeko konpromisoari eutsiko diote.

Agerraldian esandakoen informazio gehiago izateko, egin klik esteka honetan.