San Martzial eta San Pedro jaietako jai programazioan lanean dabil jada Irungo Udala eta aurreratu dute aurten ere Irungo taldeek aukera izango dutela ekainaren 22 eta 23ko Urdanibia plazako kontzertu nagusiaren aurretik jotzeko.

Horretarako, formulario bat bete beharko dute, eta ondoren, helbide elektronikora bidali beharko dute apirilaren 19a baino lehen (ostirala).

Aurkeztu nahi duten taldekideek hainbat baldintza bete behar dituzte. Alde batetik, taldeko kideen erdiek Irunen jaioak edo orain edo noizbait erroldatuta egonak izan behar dute. Gainera, 60 minutuko errepertorioa bermatu beharko dute, eta 18 eta 25 urte bitartekoa izan behar dute ekainaren 22an arituko diren taldeko kideen % 70ek.

Jasotako izen guztien artean, betekizunak betetzen dituztenen artean, herri-bozketa bidez egingo da hautaketa, eta hautatuek 1.200 euroko ordainsaria jasoko dute. Kontzertuaren egunari dagokionez, Kulturako departamentuak erabakiko du zein egunetan.

Irun Hiria Musika Banda 2023-2024 denboraldiko azken kontzertua eskainiko du ostiral honetan (hilak 22), 20:00etan, Amaia KZn. Sarrera doakoa eta ez dago gonbidapenik edota sarrerarik lortu beharrik.

Garikoitz Gonzalez Munduateren zuzendaritzapean, taldeak programa askotarikoa eskainiko du. Hainbat konpositoreren lanak taularatuko dituzte, hala nola, Henk van Lijnschooten, Gustav Holst, Andrew Lloyd Webber, Oscar Navarro eta Jose Alberto Pina.

Interpretatuko dituzten lanen artean, Ouverture 2000,  Banda militarrarentzako Bigarren suitea Fa M-n daude, osatzen duten lau mugimenduak, Operako mamua musikaleko lan ezagunenak, Libertadoreak poema sinfonikoa eta Crucifixus prozesio-martxa. Musika Bandaren hurrengo kontzertua maiatzaren 1ean izango da, urtero bezala, Larreaundi-Olaberria auzoko jaietan. Horrela emango zaio hasiera hiriko auzoetako kontzertu-denboraldiari.

Alarde parekidearen batzordeak jakinarazi du armen erabilerari buruzko lege berri bat onartu dela. Orain arteko araudia “gogortu” egin dute, eta azaldu dutenez, suzko armak erabili ahal izateko Irungo Guardia Zibilaren armen kontrolean balioztatu beharko dira horiek. Hala egin ezean, alardean ezingo da suzko eskopetekin parte hartu. Gomendatu dute, gainera, balioztatzea maiatzaren 31 baino lehen egitea.

23. Korrikaren harira, marrazki sariketa abian jarri zuen OARSO BIDASOKO HITZAk. Parekorik gabeko erantzuna izan du: 1.845 izan dira Harro herri lelopean hedabideak jaso dituen argazkiak. Eskerrik asko!

Orain, bidaltzaileen artean zozketa egin, eta sariak ematea dagokio hedabideari. Datozen egunetan jakinaraziko zaie irabazleei zer egokitu zaien, eta non eta noiz jaso behar duten.

Esker berezia eman nahi dizkie HITZAk Bidasoko eta Oarsoaldeko ikastetxeei, haien inplikazioa ezinbestekoa izan delako sariketak aurrera egoki egin zezan. 1.845 aldiz eskerrik asko!

Marrazki den-denak HITZAk sariketarako sortu duen atalean ikus daitezke. Sartu eta gozatu!