Datorren asteartean, martxoak 19, Do, Re, Ni proiektua ezagutarazteko hitzaldia egingo dute Palmera Monteron, 17:00etan. Ekimen hori Irungo Udaleko Adinekoen Zerbitzuak antolatu du, bizimodu aktibo, sortzaile eta osasungarria izan nahi duten 60 urtetik gorakoentzat antolatzen dituen jardueren esparruan.
Proiektua urte osorako izango da, eta asmoa parte hartzaileei musikaren bidez garunaren osasuna zain dezaten laguntzea da. Xabier Lizaso Loidi musikariak emango du lehenengo hitzaldia, eta musikak narriadura kognitiboa prebenitzeko ahalmen terapeutikoa duela azalduko du.
Tailerrak urte osoan egingo dira Lizasorekin eskurik, berak sortu baitu proiektua Kantaita Enea ekoiztetxearekin batera.