Andres Barrios pianista eta abeslariak kontzertua emango du larunbatean amaia KZn Kultura arloak antolatuta. Andaluzian errotutako musika “energiaz betea” eta “berritzailea” dela Barriosena azaldu dute antolatzaileek; oholtza gainean, laukotea ariko da, perkusioak, kontrabaxuak eta dantzak lagunduta.
Sarrerak dagoeneko salgai daude (egin klik hemen) eta aurrez aurre ere AMaia KZko txarteldegian bertan.
Pianista “eklektiko eta berritzailea” da Barrios, eta flamenko ausarta eta modernoa egiten du, munduko beste musika eta estiloekin nahasita. Iaz hamabi herrialdetan baino gehiagotan egin zituen emanaldiak.